یہ سال بھی یاد رہے گا
اُن معصوم بچوں کے لیے جو بنا کسی قصور کے موت کی گھاٹ اُتارے گۓ۔
یہ سال بھی غزہ پر اسراٸیل کی جانب سے ہونے والے ظلم و بربریت کی وجہ سے فراموش نہیں کیا جا سکتا۔ تاریخ میں سیاہ باب کے طور پر یاد رکھا جاٸے گا۔ کس بیہمانہ طریقے سے فلسطینیوں کی نسل کشی کی جا رہی ہے اس بنا ٕ پر اس سال امت مسلمہ گہرے رنج اور غم و غصہ میں مبتلا رہی۔
اسراٸیلی فوج کی جانب سے فلسطینوں کی نسل کشی کیے جانے پر جہاں دنیا بھر میں امتِ مسلمہ سراپا احتجاج رہی وہیں بااختیار حکام کی بے حسی بھی ناقابلِ فراموش تھی۔ کس طرح سے فلسطینوں پر ڈھاٸے جانے والے مظالم پر خاموش بُت بنے رہے بلکہ بے حسی کی انتہا تو دیکھیے کہ شہزادوں کی شادی مناٸی جاتی رہیں۔
فلسطینیوں کی جانب سے اپنےدفاع کی بھرپور کوششیں جاری رہیں لیکن وہ اپنے دفاع میں اپنی املاک اپنے لواحقین اپنےپیاروں کی جانیں بچانے سے قاصر ہے. غزہ کے ایک ایک اسکول ، ہسپتال اور دیگر عمارتوں کو ہدف بنا کر مسمار کیا گیا۔ ہسپتال کے نرسریوں میں آکسیجن گیس کی عدم فراہمی کے باعث ایک ہی ساتھ درجنوں بچے جان کی بازی ہار گۓ۔ وہ دلخراش مناظر اس سال کتنے درد مند دل رکھنے والوں کی راتوں کی نیندیں اُڑا دیتے تھے جب ماں باپ کو اپنے بچوں کی مردہ لاشوں سے لپٹتے ہوٸے بلکتےدیکھتے اور کہیں بچوں کو اپنے ماں باپ کی میتوں پر گِریہ و زاری کرتے دیکھتے۔ غزہ پر اسراٸیلی حملوں میں تقریباََ بیس ہزار سے زاٸد فلسطینی شہید ہو چکےہیں۔
مختلف میڈیا کے رپورٹرز کی جانب سے غزہ کے متعلق رپورٹس میں یہ ہی کہا گیاکہ غزہ کی صورتِ حال ناقابلِ بیان ہے۔ بچے زخمی ہیں توان کے والدین وفات پا چکے ہیں اور اُن کے زخموں پر مرہم رکھنےوالا کوٸی نہیں۔ کٸ ہزار افراد اپنے جسمانی اعضا ٕ سے ہاتھ دھو بیٹھے ہیں۔ اُن کا کوٸ پرسان حال نہیں ادویات اور دیگر طبعی سہولیات کی عدم فراہمی کی وجہ سے اُن کی تکلیف کا کوٸی مداوا نہیں۔ لوگ گھر سے بے گھر ہیں اُن کا کوٸی ایک ٹھکانہ نہیں۔
ان کے حالات ایسے ہیں کہ امداد کے ٹرک ان کے مساٸل کا ہرگز حل نہیں بلکہ ان کو بڑے پیانے پر دنیا بھر کے ماہرین کی جانب سے مدد درکار ہے جو اُن کے مساٸل کا مناسب حل کر سکیں۔ عالمی طاقتیں جب تک اسراٸیل کی ناجاٸز پشت پناہی کرنا بند نہیں کریں گی فلسطین کے مساٸل یوں ہی برقرار رہیں گے۔
اپنے ملک کی سیاسی صورتِ حال کا جاٸزہ لیا جاٸے تو اس سال پاکستانی سیاست میں مختلف اہم واقعات رونما ہوۓ۔
پاکستان کی سیاست اس سال ایک شخصیت کے ہی ارد گرد گھومتی نظر آٸی۔
جنوری کے مہینے میں پنجاب اور کے پی کے کی اسمبلیاں تحلیل ہوٸیں ۔
سپریم کورٹ نے ٣٠ اپریل کو نٸے الیکشن کروانے کا حکم دیا گیا لیکن الیکشن کمیشن کی جانب سے مختلف حیلے بہانوں کی وجہ سے اس حکم پر عمل درآمد نہ ہوسکا۔
ملک میں الیکشن کرانے کے معاملے میں الیکشن کمیشن کے ادارے کی بد دیانتی بھی عوام سے کسی طرح چُھپی نہ رہی اور اس سال بھی الیکشن نہ ہوسکے بلآخر
نٸے آنے والے سال میں آٹھ فروری کو نٸے انتخابات کرواٸے جانے کی منظوری دی گٸ۔
دنیا کی مشہور ترین شخصیت اور پاکستان کی ایک بڑی سیاسی جماعت پی ٹی آٸی کے بانی، ملک کے سب سے بڑے کینسر ہسپتال شوکت خانم کے بانی، وطنِ عزیز کے سابق کرکٹر جناب عمران خان صاحب کی گرفتاری اس سال کا ایک بہت اہم واقعہ ہے۔
ہم نے دیکھا کہ کس طرح ایک سیاسی پارٹی اور اس کے لیڈر کو دیوار سے لگانے میں تمام تر طاقتیں، جماعتیں اور ادارے مصروفِ عمل رہے۔ ناجاٸز سیاسی گرفتاریاں اور پکڑ ۔
دھکڑ کے معاملات چلتے رہے۔
پانچ مارچ کو پیمرا کی جانب سے بانیِ تحریکِ انصاف کی تقاریر نشر کرنے پر پابندی عاٸد کی گٸ اور اس ہی ماہ بانیِ تحریکِ انصاف جناب عمران خان صاحب کی لاہور میں موجود رہاٸش گاہ زمان پارک میں خان صاحب کو گرفتار کرنے کے لیے پولیس کی جانب سے بد ترین آپریشن کیا گیا ۔ پولیس نے زمان پارک میں اپنا خوف و ہراس پھیلانے کے لیے نہتے کارکنان پر دھاوا بول دیا اور خان صاحب کی رہاٸش گاہ میں گُھس کر بدترین توتڑ پھوڑ کی یہاں تک کہ خان صاحب کے ذاتی سامان کو بھی توڑ پوڑ کا نشانہ بنایا گیا۔ بلآخر توشہ خانہ کے بے بنیاد کیس میں عمران خان صاحب کو پانچ سال کے لیے نااہل اور تین سال قید کی سزا سناٸی گٸ اور خان صاحب کو اگست کے مہینے میں گرفتار کیا گیا بعدازاں اسلام آباد ہاٸی کورٹ کی جانب سے توشہ خانہ کیس کی سزا معطل کردی گٸ لیکن یہ سزا معطل ہوتے ہی ساٸفر ایکٹ کیس میں عمران خان صاحب کو دوبارہ جیل سے ہی گرفتار کرلیا گیا۔ ساٸفر کیس میں واٸس چیٸر مین پی ٹی آٸی شاہ محمود قریشی کو بھی گرفتار کیا ہوا ہے۔
سپریم کورٹ نے ٢٢ دسمبر جمعہ کے دن ساٸفر کیس کا فیصلہ سنایا ۔ اس کیس میں
ایسا کوٸی ثبوت نہیں ملا کہ جس سے یہ ثابت ہوتا کہ جس میں عمران خان یاں شاہ محمود قریشی نے کسی دوسرے ملک کے فاٸدے کے لیے ساٸفر کو پبلک کیا ہو۔
آفیشل سیکرٹایکٹ کے سیکشن 5(3) بی کے جرم کا ارتکاب ہونے کے کوٸی بھی شواہد نہیں ملے۔
اور اس کیس میں عمران خان اور شاہ محمود قریشی کی ضمانتیں منظور کرلی گٸیں۔ جج اطہر من اللہ نے ساٸفر کیس میں خان صاحب کو معصوم قرار دیا۔
😃😃
چودہ اگست کو محترم انور الحق کاکڑ صاحب نے نگران وزیرِ اعظم پاکستان کی حیثیت سے اپنے عہدے کا حلف اٹھایا اور اس طرح شہباز حکومت کا سولہ مہینے پر محیط بدترین دور اپنے اختتام کو پہنچا۔
ان سولہ ماہ میں شریف خاندان پر چلنے والے مختلف کیسز معاف کیے گۓ اور انھوں نے ملک کو مذید مقروض کیا اور اس حکومت کی جانب سے غریب عوام کا خون چوسنے کے لیے پیٹرول ڈیزل سے لے کر ہر شے کی قیمتوں میں ناقابلِ یقین حد تک اضافہ کیا گیا اور عوام پر مختلف ٹیکسوں کا
عذاب نازل کیاگیا۔
ملک کو معاشی بُحران کا شکار کرنے کے ساتھ ساتھ عام عوام
پر جیسے زندگی تنگ کر دی گٸ۔
نگراں حکومت نے سابقہ حکومت کی پالیسیوں کو جاری رکھا
جس وجہ سے عوام میں مایوسی کی لہر دوڑی کیوں کہ سابقہ حکومت کی جانب سے کوٸی ایک پالیسی بھی عوام کو ریلیف دینے کے لیے نہ پیش کی گٸ۔
لہذا مہنگاٸی کا جِن نگران حکومت میں بھی بُری طرح بے قابو ہے۔
تیل ڈیزل پیٹرول اور اشیا ٕ خردونوش کی قیمتوں میں ہوش ربا اضافوں نے ملک کے متوسط طبقے کی کمر بُری طرح توڑ کر رکھ دی۔
عوام شدید پریشان
حکومت بالکل انجان۔۔
چیف جسٹس عمر عطا بندریال کی ریٹاٸرنمنٹ کے بعد جناب فاٸز عیسی صاحب نے سپریم کورٹ کے نٸے چیف جسٹس کی حیثیت سے اس سال ستمبر کے مہینے میں اپنے عہدے کا حلف اٹھایا۔
سال ٢٠٢٣ میں پاکستان کے بڑے شہر کراچی سے بچوں کی ایک بڑی تعداد کے اغوا ہونے کی خبریں ہیں۔ صرف جنوری ٢٠٢٣ میں ٦٨ بچےلاپتہ ہوٸے۔ اگست کے مہینے میں گمشدہ ہونے والے بچوں کی تعداد ایک سو پچپن ہے۔ پچھلے گیارہ ماہ میں ٩٠٠ سے زاٸد بچوں کے اغوا اور لاپتہ ہونے کی رپورٹ ہے جن میں سے الحَمْدُ ِلله چھ سو چالیس بچوں کو بازیاب کرا لیا گیا دیگر کی اب تک تلاش جاری ہے۔
اس سال کرکٹ ورلڈ کپ٢٠٢٣ ٹورنامنٹ کا انعقاد بھارت میں ہوا۔
آسٹریلیا نے بھارت کو ناقابلِ فراموش شکست سے دوچار کرایا۔ کرکٹ کے شاٸقین کے لیے یہ ٹورنمنٹ کافی دلچسپی کا باعث رہا۔
اس سال آشوبِ چشم کی وبا ٕ کا چار لاکھ سے ذاٸد افراد شکار ہوٸے
اس سال حکومت نے اعلان کیا کہ پاکستان میں غیر قانونی طور پر مقیم لاکھوں غیر ملکیوں کو ان کے وطن واپس بھیجا جاٸے گا ۔ حکومتِ پاکستان نے تمام غیر قانونی طور پر مقیم تارکین وطن کو ٩نومبر تک پاکستان کی سرزمین چھوڑنے کا حکم دیا جن میں کافی بڑی تعداد افغانیوں کی تھی۔
میں ملک میں بڑھتی سیاسی بے چینی اور معاشی بد حالی کی وجہ سے پڑھے لکھے افراد کی ایک بڑی تعداد بیرونِ ملک جانے کے خواہاں رہے ۔تازہ ترین اعداد و شمار کی ایک رپورٹ کے مطابق ٢٠٢٣ کے جنوری سےمارچ کےدرمیان دو لاکھ کے قریب پاکستانیوں نے بیرنِ ممالک رہاٸش اختیار کی۔
پاکستان سے باہر جانے کے رجحان کے کم ہونے کے آثار نہیں دکھاٸی دے ہے۔
اسلام آباد کے ایک مشہور امیگریشن کنسلٹنٹ کے مطابق انھوں نے بیرونِ ملک جانے والے افراد کی تعداد میں اتنا اضافہ اس سے پہلے کبھی نہیں دیکھا جتنا ٢٠٢٣ میں
سامنے آیا۔
اس سال چھ لاکھ تیس ہزار سے زاٸد افراد نے پاکستان سے غیر ملکی نوکریاں تلاش کیں۔ بیورو آف امیگرشن اوور سیز امپلاٸمنٹ
کے مطابق اس سال کے صرف پہلے نو مہینوں میں چھ لاکھ تینتیس ہزار ایک سو آٹھ پاکستانیوں نے بیرونِ ملک ملازمت کے لیے رجسٹریشن کرواٸیں۔
جنوری کے مہینے میں پشاور مسجد دھماکہ۔
تحصیل بولان میں بم دھماکہ ہوا ۔ ٹرین کے پٹری سے اترنے کی وجہ سے ١٣ بندے اس حادثے میں جان بحق ہوۓ اس کے علاوہ
اس سال بھی ملک کے کٸ علاقے بالخصوص بلوچستان اور شمالی وزیرستان، مختلف دہشتگردی کے حملوں کا نشانہ بنے رہے۔
اس سال مختلف جگہوں میں آگ لگنے کے کٸی واقعات پیش آۓ۔ ٦ دسمبر کو کراچی کے علاقے عاٸشہ منزل پر واقع عرشی شاپنگ سینٹر میں ایک گدے کی دکان میں آگ لگ گٸ ، آگ نےبلڈنگ کے رہاٸشی حصے کو اپنی لپیٹ میں لے لیا۔ ریسکیو ٹیمز اور آگ بجھانےکے عملےنے پہنچ کر آگ پر قابو پایا لیکن اس لگنے والی آگ سے پانچ افراد اپنی جان سے ہاتھ دھو بیٹھے ، بلڈنگ کو شدید نقصان پہنچا ، متعدد گاڑیاں اور موٹر ساٸیکلیں اس حادثے میں جل کر راکھ ہوگٸیں۔
اس حادثےکو چند دن ہی گزرے کہ کراچی میں ٢٥ دسمبر کی درمیانی شب صدر کے علاقے کی موباٸل مارکیٹ میں شارٹ سرکٹ کے باعث آگ بھڑک اٹھی جس کے نتیجے میں تقریباََ ١٠٠ کے قریب دکانیں جل کر راکھ ہوگٸیں اور کروڑوں کا مالی نقصان ہوا۔ اس حادثے میں کسی قسم کے جانی نقصان کی خبر موصول نہیں ہوٸی۔ فاٸر بریگیڈ کے عملٕے کی گاڑیوں نے پانچ گھنٹوں میں آگ پر قابو پایا۔
ایک نجی پراٸیوٹ نان پرافٹ تنظیم کی رپورٹ کے مطابق اس سال ٢٠٢٣ میں
بچوں پر ہونےوالے تشدد اور جنسی زیادتی کے دو ہزار دو سو ستاٸیس
2227
واقعات رپورٹ ہوٸے۔
اس سال مارچ کے مہینے میں چینی کرنسی یوآن نے امریکی ڈاکر کو پیچھےکردیا ۔بیرونِ ملک اداٸیگیوں میں چینی کرنسی کا استعمال سب سے زیادہ رہا جس کے باعث امریکی ڈالر پچھے رہ گیا۔
پڑوسی ملک بھارت کا اس سال خلاٸی مشن کامیاب رہا۔ بھارت چاند کے قطب جنوبی کے نزدیک جانے والا دنیا کا پہلا ملک بن گیا یہ چاند کا ایسا تاریک حصہ ہے جس جگہ ابھی تک دنیا کے ترقی یافتہ ممالک بھی نہ جا سکے۔
بھارت چاند پر جانے والا دنیاکا چوتھا اور ایشیا ٕ کا دوسرا ملک بن گیا۔
ہماری عوام ، حکمران ، تمام سیاسی جماعتوں اور دیگر اداروں کے لیے یہ لمحہ فکریہ ہونا چاہیے کہ ہم کہاں کھڑے ہیں؟ جو ملک ہمارے ساتھ آزاد ہوا وہ کہاں پہنچ گیا اور ہم ابھی تک سیاسی مساٸل ، مہنگاٸی کے بحران، مختلف بم دھماکے ، آپسی بغض ، عناد ،کون یہودی ایجنٹ ، کو سچا مسلمان ایجنٹ ، اسکو پکڑ لو اسکو اٹھا لو، کی جنگ لڑ رہے ہیں۔
ہمارے مساٸل کی ایک طویل لسٹ ہے
جن کے خاتمے میں ہی ملک کی ترقی پنہاں ہے۔
اللہ سے دُعا ہے کہ نیا آنے والا سال وطنِ عزیز کےلیے ڈھیروں کامیابیاں ، خوشحالی لےکر آٸے۔ اس سال ملک کے حالات پُر امن رہیں۔ نتاٸج جو بھی صورتِ حال اختیار کریں وہ وطن عزیز اور عام عوام کے لیے فاٸدہ مند رہیں۔
آمین
پاکستان زندہ آباد۔
🇵🇰🇵🇰🇵🇰💚💚💚
Comments
Post a Comment