بول کہ لب آزاد ہیں

بھوکے کو فلسفہ نہیں روٹی چاہیے روٹی اس کی موت سے پہلے میں نے اسے خودکشی سے بہت روکا۔ اس نے مجھ سے پوچھا کہ کھانا لائے ہو یا مشورہ؟  لیکن میں تو صرف صرف فلسفہ لایا تھا۔ میں نے ایک اور دلیل پیش کی کہ زندگی سے ہارنا بزدلی ہے۔ اس نے کہا کہ مگر میرے بچے، وہ تو کئی روز کے بھوکے ہیں۔ میں نے کہا رزق کا ضامن تو اللہ ہے۔ کہا، اللہ! کہاں ہے روٹی لایا ہے؟ میں زچ ہو گیا۔ ایک اور فلسفہ گھڑ ڈالا کہ اللہ صبر کرنے والوں کے ساتھ ہے۔ اس نے کہا کیا بھوکوں کے ساتھ بھی؟ میں نے اس کو بہکایا کہ زندگی بہت خوبصورت ہے۔ ہاں جواب دیا جب پیٹ بھرا ہو۔ جب بھوکے بچوں کی چیخیں سماعتوں سے ٹکراتی ہیں تو زندگی  نہایت بدصورت بن جاتی ہے۔ اب میں نے اسے ڈرایا، دیکھو خودکشی حرام ہے۔ ہاہاہاہا، اس نے ایک دردناک قہقہہ لگایا، جب زندگی حرام ہو جائے تو خودکشی حلال ہو جاتی ہے اور  اگلے ہی روز اُس کی موت کی خبر سارے محلے میں پھیل چُکی تھی۔  تب مجھے مارکس کی کہی ایک کہاوت یاد آئی کہ جب انسان کا پیٹ خالی ہو تو زندگی کا کوئی فلسفہ اثر نہیں کرتا۔ یہ طبقاتی نظام جہاں پر صبر کا درس دینے والے، زندگی کے حسین نغمے سنانے والے...

Ramadan Kareem رمضان ٹرانسمیشن۔ ایک گزارش رمضان ٹرانسمیشن - ایک گزارش ٹی وی چینلز پر رمضان کے تقدس کو پامال کرنے والے پروگرامز کا بائیکاٹ کریں۔ حدیثِ قدسی ہے: حضرت ابو ہریرہؓ سے روایت ہے کہ رسول اللہ ﷺ نے فرمایا کہ اللہ فرماتے ہیں کہ "رمضان کے مہینے میں ابنِ آدم کا ہر عمل دگنا ہوتا ہے۔ نیکی کا اجر دس سے لیکر سات سو گنا ہوتا ہے۔" اللہ پاک نے فرمایا: روزہ میرے لیے ہے اور میں ہی اس کا اجر دوں گا۔ کیوں کہ اس میں میرا بندہ اپنی شہوت اور کھانے پینے کو میری وجہ سے چھوڑتا ہے۔ روزے دار کے لیے دو خوشیاں ہیں۔ ایک خوشی افطار کے وقت، دوسری رب سے ملاقات کے وقت۔ حدیث: الصوم جنۃ روزہ ڈھال ہے۔ اس سے اس بابرکت مہینے کے تقدس اور اہمیت کا اندازہ ہوتا ہے۔ روزہ ہمیں روکے رکھتا ہے نہ صرف کھانے پینے سے بلکہ برے کام سے، بری بات سے۔ اب یہ چند مقدس ترین دن، کیا ہم ان فضول نشریات کے سامنے بیٹھ کر برباد کریں گے یا ان ساعتوں کا بھرپور فائدہ اٹھائیں گے؟ سحری کی پر نور گھڑیاں رب کے ذکر سے مزید منور کرنی ہیں یا سحری ٹرانسمیشن کے آگے ضائع کرنی ہیں؟ افطار کے وقت کے لیے اللہ نے فرمایا کہ اس وقت میں روزے...

ہمارے پیارے نبی صلی اللّہ علیہ وسلم   امّت کے لیے سراپا رحمت اور رہبر و رہنما ہیں۔ آپ کی شخصیت امّت کے لیے ایک پیرِ کامل کی سی ہے۔ آپ صلی اللّہ علیہ وعلیہ وسلم  نے عورت کو رشتوں  کے اعتبار سے جس احسن طریقے سے عزّت و توقیر بخشی ویسی مثال کہیں اور نہیں ملتی۔ ماں کےلیے پوچھے گۓ سوال کہ مجھ پر سب سے زیادہ حق کس کا ہے کہ جواب میں ٣ جگہ ماں کو درجہ دیا ,کہ تم پر سب سے زیادہ حق تمھاری والدہ کا ہے۔ ماں کے لیے فرمایا کہ اس کے قدموں تلے اولاد کی جنت ہے۔ مزید فرمایا گیا کہ کاش میری ماں زندہ ہوتی میں عشاء کی نماز ادا کر رہا ہوتا میری ماں مجھے  پکارتی میں پہلے جا کر اپنی ماں کی بات سنتا۔  بیوی آپ صلی اللّہ علیہ وسلم کے ایک سے زاٸد نکاح تھے مگر تمام ازواج میں کمال کا انصاف فرماتے۔ فرمایا خدیجہؓ  اگر تم میری جلد مانگتی تو میں وہ بھی اتار کے دے دیتا۔ حضرت خدیجہؓ کےلیے فرمایا کہ دنیا میں دو لوگوں کے احسان کا بدلہ نہیں اتار سکتا خدیجہ اور ابو بکر کے۔ مزید فرمایا اس کے بارے میں برا نہ کہا کرو خدیجہ مجھے بہت عزیز ہے۔  جب آپﷺ سے پوچھا گی...

Kids fun moment بچے - اللہ کی حسین نعمت اور والدین کی ذمہ داری اللہ رب العزت کی ایک بہت ہی حسین اور معصوم تخلیق ہیں بچے۔ یہ ننھے ننھے پھول جیسے معصوم وجود جو ماں باپ کی آنکھ کی ٹھنڈک اور دل کے سکون کا باعث ہیں یہ کسی بہت بڑی نعمت سے کم نہیں۔ اگر عدم توجہ کا شکار ہو جائیں یا یوں کہہ لیں کہ تربیت میں کوتاہی ہو جائے تو یہ کل کو معاشرے میں ایک فتنہ اور وبال بن کے رہ جاتے ہیں۔ دینِ اسلام نے ماں باپ کو بچوں کی پرورش صحیح ڈھنگ سے کرنے، ان کے حقوق ادا کرنے، ان کے ساتھ احسان کا معاملہ کرنے کا پابند کیا ہے ایک فرض کی حیثیت کی طرح۔ کیوں کہ اللہ تعالی کی نعمتوں میں سے ایک بہت اہم نعمت اولاد ہے، جیسے نعمتوں کا حساب لیا جائے گا ویسے ہی اس نعمت کی بابت بھی والدین پر بھاری ذمہ داری عائد ہوتی ہے کیوں کہ والدین سے اس کا سوال ہوگا۔ ایک اچھا معاشرہ اچھے افراد سے تشکیل پاتا ہے۔ اس صورت میں ماں باپ کی بچوں کی تربیت پر توجہ معاشرے کے سنوار اور بگاڑ کا ایک اہم سبب بنتی ہے۔ ماں باپ پر یہ ضروری ہے کہ وہ بچوں کو اچھائی برائی میں فرق سمجھائیں۔ جو باتیں ہم روز مرہ کے روٹین میں انجام دیتے ہیں دراصل بچوں کی ترب...

کتوں کی دوڑ کا مقابلہ ہونا معمول کی بات تھی لیکن اس دوڑ میں آج ایک عجیب بات تھی کہ  اس دفعہ مقابلہ کروانے والے شخص نےکتوں کی دوڑ میں ایک چیتا بھی شامل  کرلیا۔ دوڑ شروع ہوٸ  تمام کتّے بھاگنے لگے لیکن چیتا!!  اپنی جگہ سے ہلا تک نہیں بس خاموشی سے بیٹھا کتوں کو بھاگتا ہوا دیکھتا رہا۔ مالک سے اس کے بابت پوچھا گیا۔ مالک کا جواب توجہ طلب ہے۔ اکثر و بیشتر خود کو بہترین ثابت کرنے میں  دراصل اپنی بڑی توہین ہوتی ہے  ہر جگہ خود کو ثابت کرنے کے لیے مناسب نہیں ہوتی نہ ہی ایسا کرنا ہر جگہ ضروری ہوتا ہے۔ اکثر افراد کے سامنے خاموش رہنا ہی بہترین جواب ہوتا ہے۔ جو خوب اچھل اچھل کےآگے کو بھاگ رہے ہوتے ہیں ان کو بھاگنے دو۔۔۔ اگر آپ کو یہ یقین ہےکہ آپ نے اپنے لیے درست راستہ منتخب کیا ہے  تو اسکو جاری رکھیں۔ دوسرے آپ کےلیے کیا سوچ رہے ہیں یہ ہرگز اہم نہیں۔ ضروری نہیں یے کہ اپنے آپ کو ثابت  کرو۔ 

آج کی اچھی بات- خواتین کے لیے ایک مثبت پیغام تمام خواتین سے گزارش ہے کہ پوزیٹیو رہیں۔ ہم سب جانتے ہیں کہ آج کل سب گھر میں ہیں اور کام بڑھ گیا ہے۔ یہ سوچ کر موڈ خراب نہ کریں۔ جو بھی حالات آئیں اس میں سے مثبت چیزیں ہی سوچیں۔ اگر آپ ایسا سوچیں گی کہ گھر میں بند، کچن اور کاموں کا لوڈ، بازار کے کام نہیں ہو رہے، زندگی رک گئی ہے تو اس قسم کی سوچیں نیگیٹیو ہیں۔ آپ اس انداز سے دیکھیں: - کتنے رکے ہوئے کام ہو سکتے ہیں۔ - بچوں کی تربیت ہو سکتی ہے۔ - فائدوں پر فوکس رکھیں۔ - ہم اکھٹے وقت گزار رہے ہیں۔ اور ایسے موقعے بار بار نہیں آتے کہ تمام گھر والے ایک دوسرے کو وقت دے پائیں۔ یہی موقع ہے ایک دوسرے کو وقت دینا، باتیں کرنا، ایک دوسرے کی سننا، سنانا اور سمجھنا۔ تو کوشش کریں اس موقع سے فائدہ اٹھاتے ہوئے تمام رنجشیں اور منفی خیالات بھلا کر پیار محبت سے پیش آئیں۔ ورنہ اس دنیا کا عالم تو نفسا نفسی کا ہے۔ اس تیز رفتار زندگی کے بھاگتے دوڑتے بزی روٹین میں عزیز و اقارب، رشتے دار تو دور، لوگ تو اپنے گھر والے، والدین، بھائی بہن، بچوں تک کو وقت نہیں دے پاتے۔ آئیں ان دنوں کو غصہ، جھنجھلاہٹ، ...