ایک گزارش❌❌ رمضان ٹرانسمیشن

❌❌❌رمضان ٹرانسمیشن

!!!ایک گزارش

ٹی وی چینلز پر رمضان کے تقدس کو پامال کرنےوالے  پروگرامز کا باٸیکاٹ

:حدیثِ قدسی ہے کہ

 حضرت ابو ہریرہؓ  سے روایت ہے کہ رسول اللّہ ؃ نے فرمایا کہ اللّہ فرماتے ہیں کہ ”رمضان کے مہینےمیں ابنِ آدم کا ہر عمل دگنا  ہوتا ہے۔ نیکی کا اجر دس سے لیکر سات سو گنا ہوتا ہے“

 اللّہ پاک نے فرمایا

روزہ میرے لیے ہے  اور میں ہی اس کا اجر دوں گا۔ کیوں کہ اس میں میرا بندہ اپنی شہوت اور کھانے پینے کو میری وجہ سے چھوڑتا ہے ۔ روزےدار کے لیے دو خوشیاں ہیں۔ ایک خوشی افطار کے وقت دوسری رب  سے ملاقات کے وقت۔

حدیث
الصوم جنۃ۔
.روزہ ڈھال ہے

اس سے اس بابرکت مہینے کے تقدس اور اہمیت کااندازہ ہوتا ہے۔

روزہ ہمیں روکے رکھتا ہے نہ صرف کھانے پینے سے بلکہ برے کام سے ,بری بات سے۔

اب یہ چند مقدس ترین دن کیا ہم ان فضول نشریات کے سامنے بیٹھ کر برباد کریں گے یاں ان ساعتوں کا بھرپور فاٸدہ اٹھاٸیں گے؟

سحری کی پر نور گھڑیاں رب کے ذکر سے مذید منوّر کرنی ہیں یاں سحری ٹرانسمیشن کے آگے ضاٸع ؟

افطار کے وقت کے لیے اللّہ نے فرمایا کہ اس وقت میں  روزے دار کی پکار سنتا ہوں۔

میں اس کی دعا بول کرتا ہوں۔

 افطار کا وقت قبولیت کا وقت ہوتا ہے تو اس وقت میں ہم نامحرموں کے چہرے دیکھ کر اپنا روزہ برباد کرنا پسند کریں گے یاں ان بابرکت گھڑیوں میں اللّہ سے دعاٸیں مانگنا پسند کریں گے؟

اس بابرکت مہینے قرآنِ پاک کا نزول ہوا , ہمیں اس پاک
 کتاب کی تلاوت کرنے میں مصروف ہونا چاہیے یاں نیکی ک نام پر کیے جانے والے ان بے مقصد شوز کو دیکھنا چاہیے؟

کسی نی بہت ہی خوبصورت بات کہی تھی کہ آپ  شر سے خیر نہیں پا سکتے۔ ایسانہیں ہوسکتا کہ شر کی چیز آپ کو کچھ اچھا سکھاۓ ایسی ہی مثال  رمضان المبارک کے مہینے ہمارے ٹی وی چینلز کی ہے۔

رمضان ٹرانسمیشنز کا مکمل باٸیکاٹ کیجیے۔

یہ بھانت بھانت کے چینلز آپ کو تفریح تو فراہم کرسکتے ییں مگر نیکیوں میں اضافے کا باعث نہیں بن سکتے۔

فرقہ واریت کے نام پر کرواۓ جانے والے جھگڑے اور ریٹنگز کی دوڑ میں اوچھی حرکات اس مہینے کےتقدس کوپامال کرنے کے ساتھ ساتھ  دیکھنے والے کونہ صرف گمراہ کرتی ہیں بلکہ اسےاس کے اصل کام سے بھی دور کرتی ہیں۔ 

یہ ثواب کا ذریعہ تو ہرگز نہیں بنیں گے ,

الٹا یہ آپ سے آپ کی یہ قیمتی گھڑیاں چھین لیں گے۔ آپ کو عبادت سے دور کرکے , آپ کا وقت برباد کر کے اور مفت کے گناہ میں مشغول کر کے۔

آج دنیا کس حال میں ہے اس سے ہم سب واقف ہیں خدارا  ناراض رب کو منا لیجیے۔

یہ پورا ایک مہینہ ہمارے پاس ہے اپنے معاملات سدھارنے کا اللّہ کو راضی کرنے کا اور اللّہ کی ضرورت مند مخلوق کی مدد کرنے کا ,جو کہ اس مہینے کا اصل مصرف ہے۔

نمازوں کا خاص اہتمام کیجیے قرآنِ پاک کی خوب خوب تلاوت کیجیے, تسبیحات,  صدقہ, خیرات,  زکوة ادا کیجیے, دکھی اور ضرورت مند انسانیت کی مدد کیجیے۔ 

امّت کے لیے خصوصی دعا کیجیے۔

اللّہ تعالی نہ جانے کس کے دل سے نکلی دعا سب کے حق میں قبول فرمالیں۔

اللّہ ہم سب کو عافیت کے ساتھ رمضان المبارک گزارنے کی توفیق عطا فرماۓ۔

 ہم سب کو اس وباء سے محفوظ رکھے اور ہمیں اس بابرکت مہینے کے اک ایک لمحے کا حق ادا کرنے کی توفیق عطا فرماۓ۔

 آمین۔