21st Century اکیسوی صدی

!!یہ اکیسوی صدی ہے دوست 

زرا سنبھل کے۔۔

دنیا کی ابتداء سے لے کر ابھی تک کے بد ترین وقت میں خوش آمدید۔۔

خوش آمدید اُس اکیسیوی صدی میں کہ جس کا ذکر ہمیشہ ڈرانے والے انداز میں ہی کیا جاتا ہے۔

اب عزت دار  با عقیدہ اور غیرت مند افراد آپ کو چُھپے ہوئے ملیں گے  جو زیادہ تر گھروں میں رہنے کو ترجیح دیں گے,  لوگوں کے شر سے خود کو بچاتے ہوئے۔

یوں سمجھ لیں کہ جیسے  وہ دہکتا انگارہ ہتھیلی پر رکھے بیٹھے ہوں۔

 جبکہ اُن کے برعکس بے شرم بے حیا اور ذلیل لوگ معاشرے میں مقبول اور پسندیدہ بنیں  دکھائی دیں گے۔

پچپن ساٹھ سال کا آدمی جوانی کے نشے میں مست ملے گا جب کہ  پچیس سال کا نوجوان آپ کو زندگی سے تنگ دُنیا سے بیزار موت کا منتظر ملے گا۔

وہ جن کے کھیلنے کودنے کے دن بھی ختم نہیں  ہوئے وہ آپ کو  ڈپریشن اور اسٹریس پر سرِ عام  تبصرہ کرتے نظر آئیں گے۔

ننھی مُنّی بچیاں  محبوب کے دھوکہ دینے اور چھوڑ جانے پر  آپ کو غم زدہ ملیں گی۔

اصول پسند حق بات کرنے والے اور غیرت مند افراد کو دقیانوسی اور تنگ نظر سمجھا جارہا ہے۔

 جبکہ بے راہ روی, فحاشی و عریانیت کو ثقافت اور آزادی کا نام دیا جارہا ہے۔

 زنا بدکاری جیسے قبیح گناہ عام اور ان تک رسائی نہایت آسان ہوچکی ہے۔

زنا عام اور مفت ہو چکا ہے،

جبکہ نکاح جیسے پاک اور مقدس کام کو انتہائی مشکل اور دسترس سے دور کردیا گیا ہے۔

ترقی اور جدیدیت کے معنی ہیں کہ اپنا لباس اتار پھینک دیا جائے۔

اگر کوئی شراب, سیگریٹ ,شیشہ نہ پیتا ہو تو وہ ماڈرن نہیں ہے بلکہ آج کے دور میں ناکام ہے۔

گرل فرینڈ بوائے فرینڈ نہیں ہیں تو آپ

 looser 

گردانے جاؤ گے۔

جو مرد بیوی کو دھوکہ دے وہ اسمارٹ کہلایا جاتا ہے۔

جبکہ جو  نکاح میں رہ کر اپنی بیوی سے وفاداری نبھا رہا ہو اپنے رشتے کے حقوق و فرائض خوش اسلوبی سے ادا کر رہا  ہو گا  اُسے جادو کے اثر میں ہے  یاں ڈرپوک

 بزدل مرد  کہہ کر تمسخر اُڑایا جارہا ہے۔ 

بیت الخلاء جیسی جگہ پر اب لوگ زیاد وقت گزارنے کو ترجیح دیتے ہیں۔

اور مساجد کو فوٹو اسٹوڈیو سمجھا جارہا ہے

استغفر الله

فوڈ ڈیلیوری ایمبولینس سے زیادہ  تیز 

سروس فراہم کررہی ہے۔

جو تمھیں تمھاری خامی سے آگاہ کرے وہ حاسد جو عقل کی بات سمجھائے وہ

 Toxic

 قرار دیا جاتا ہے۔

لیکن جو  جھوٹی خوشآمد کرے وہ محبت کرنے والا مخلص دوست سمجھا جاتا ہے۔

پیسہ رشتوں سے  بڑھ کر ہوچکا ہے ۔

کمانے میں حرام حلال  تک کی تمیز بُھلائی جاچکی ہے۔

نوجوان نکاح کو بار سمجھتے ہیں۔

 نکاح پر حرام رشتے کو فوقیت دیتے ہیں۔ کیوں کہ حرام رشتہ ذمہ داریوں کے بوجھ سے اُنھیں آزاد جو رکھتا ہے۔

ظلم کو  معمولی سمجھا جانے لگا ہے جیسے یہ کوئی روٹین کا حصہ ہو۔ لوگ اس پر بات کرنا پسند نہیں کرتے نہ سننا پسند کرتے ہیں۔ جیسے کے  ف ل س طی ن , غ ز ہ کے معاملے میں ہی دنیا کی بے زاری اور بے پرواہی ہمارے سامنے ہے۔ 

لوگ غ ز ہ کے لاکھوں بے گناہ افراد کے قاتلوں کی مصنوعات کا بائیکاٹ کرنا ضروری نہیں سمجھتے اُلٹا اُن اُن کے اشیاء کا بے دریغ اور بے باکی سے استعمال کر کے ظالموں کے سہولت کار بنے بیٹھے ہیں۔ 

KFC Mcdonald

کے باہر کا رش اس بات کا مُنہ بولتا  ثبوت ہے۔

معصوم و بے گناہ  ف ل س طینی بچوں کا  بیہمانہ قتل آج کے دور میں لوگوں کے سر کا درد ہرگز نہیں ہے۔

آپ بائیکاٹ پر بات کرو تو سمجھنے کے بجائے اُلٹا آپ کے گلے پڑ جائیں گے۔

یہ وہ وقت شروع ہوچکا ہے  کہ کوئی درست بات بھی سننے کو تیار نہیں ہے۔

یہ وہ  دور ہے کہ جہاں

غیرت اور عزت دنیا سے ناپید ہوتے جارہے ہیں۔

اخلاق صفر ہیں۔

مذہب کو  سمجھنے کے لیے  علماء کے بجائے جُہلا  کا انتخاب پسند کیا جانے لگا ہے۔

اخلاص کا مذاق اڑایا جاتا ہے۔

خلوص کالے کپڑے میں لپیٹ کر منہ پر مار دیا جاتا ہے کیوں کہ کسی کو اُس کی  اب ضرورت نہیں ہے۔

اب تربیت  صرف اولاد کو بدتمیز بنانے کا دوسرا نام ہے۔

طبعیت میں فساد عام ہے۔

 غصہ تو جیسے ایک عام

  Habbit

 بن چُکا ہے

مذاق اُڑانا اس دور کا فیشن اور ٹائم پاس ہے۔

جسمانی صحت تباہ ہے۔

سچا خاموش ہے اور جھوٹے کا بول بالا ہے۔

 معاشرتی بگاڑ اپنے عروج پر پہنچ چکا ہے۔

الغرض یہ وہ اکیسویں صدی ہے میرے دوست کہ جہاں پر سب کُچھ اُلٹ چُکا ہے۔

اللٰہُ اکبر

اللٰہُ اکبر

اللٰہُ اکبر