اس ملک کا ایک ایک فرد شکر گزار ہے ڈاکٹر عبدالقدیر خان صاحب کا کہ جنھوں نے اپنی ہمت سے اور محنت سے پاکستان کو ایٹمی طاقت بنا کر دنیا میں سر اُٹھا کر جینے کے قابل بنایا۔
بیشک ڈاکٹر صاحب محسنِ پاکستان ہیں۔
ہم سب گواہ ہیں اس بات کے کہ پانچ اور چھ مئی 2025 کی درمیانی شب ہمارے دشمن پڑوسی نے کس قدر بزدلی کا مظاہرہ کیا اور ہمارے ملک پر میلی آنکھ ڈالنے کی جرات کی۔ لیکن پاکستانی افواج نے دشمن کو اپنی طاقت کا مکمل اور بہترین مظاہرہ کروایا۔
الحمد لله
اور اس جوابی کاروائی کے ذریعے پاکستان نے صرف اپنے ایک دشمن بھارت کو ہی نہیں بلکہ دنیا کے تمام چُھپے اور ظاہری سب دشمنوں کو یہ پیغام دیا کہ ہم کمزور نہیں۔
ہم ڈرنےوالے نہیں ۔ ہم اب جُھکنے والے نہیں۔
کیوں کہ ہم ایٹمی طاقت ہیں
اور ہم ہر طرح کے سامانِ جنگ سے لیس ہیں ۔
الحمد لله
مادرِ ملت اور اُس کے باسیوں کی حفاظت کے لیے ہر طرح سے تیار ہیں۔
اب ہماری طرف غلط نظر اُٹھانے کی جرات بھی نہ کی جائے ورنہ منہ کی کھانی پڑے گی۔ ہم ہر گھڑی تیار ہر لمحہ بیدار ہیں اس پاک سر زمین کے چپے چپے کی حفاظت کرنے کے لیے۔ یہ وطن معمولی وطن نہیں کہ دشمن کا جب جی چاہے ہم پر حملہ آور ہوجائے گا اور ہم خاموش رہیں؟ نہیں اب وقت بدل چُکا ہے۔
ایک طویل عرصے سے مختلف مسائل میں ہمارے ملک کو دشمن طاقتوں نے الجھائے رکھا تھا۔ اور یہ بزدلانہ وار بھی ہمیں کمزور اور ٹوٹ پھوٹ کا شکار سمجھ کر کیا گیا تھا جس کا بہترین جواب دشمن تا عمر یاد رکھے گا۔
لیکن اب وقت ہمارا ہے۔
اب ہمارے جوابی حملے کے بعد سے ہمارا ملک پاکستان دنیا میں ایٹی قوت کے نام سے تسلیم کیا جارہا ہے
الحمد لله
آج ٢٨ مئی کے دن ہم یومِ تکبیر مناتے ہوئے محسنِ پاکستان کو نہیں بھول سکتے کہ جن کی محنت سے آج ہمیں یہ دن منانا نصیب ہوا۔
آج ہر پاکستانی اُن کا شکر گزار ہے۔
اسلامی ممالک کا دفاعی طاقت ور ہونا کتنا ضروری ہے اس کا اندازہ ٩/١١ کے بعد
بہ خوبی ہوگیا کہ مسلمانوں کے دشمنوں نے ان کے شہر کے شہر اُجاڑ دیے۔ قتل و غارت بمباری گولہ باری کر کے مسلمان ممالک کو تہس نہس کردیا۔
افغانستان
لیبیا
شام
برما
عراق
ف ل س طین
اِن کا حال ہم سب دیکھ رہے ہیں۔
اور سمجھ چکے ہیں کہ جو ممالک دفاعی ہتھیار نہیں رکھتے اِس دنیا میں دشمن ان کا کیا حشر کردیتا ہے۔
اللہ ہمارے وطن پاکستان کو ایٹمی طاقت بنانے والے محسنِ پاکستان ڈاکٹر عبدالقدیر خان کی قبرِ مبارک پر اپنی رحمتوں کا نزول فرمائیں ۔
آمین۔
یہ قوم اُن کی مقروض رہے گی
اور ہر پاکستانی ان کے نام کو زندہ رکھے گا جب جب اِس پاک مملکت کی بات ہوگی پاکستان کے ایٹمی طاقت ہونے کا ذکر ہوگا ڈاکٹر عبدالقدیر خان کا بھی ذکر ساتھ ساتھ ہوگا۔
ان شاء اللہ
اللہ ہمارے ملک کے دفائی نظام کو مذید ترقی عطا فرمائیں اُسے مذید مضبوط بنائیں۔
اللہ اس ملک پاکستان کو تمام عالمِ اسلام کا محافظ بنائیں اور دنیا بھر کے مسلمانوں کو یکجاں کردیں ان کو ایک مضبوط طاقت بنادیں کہ ہمارے دشمن حیران رہ جائیں
اللہ اِس قوم کو متحد کردیں۔
یہ آپسی ٹوٹ پھوٹ لڑائی جھگڑے قوم کو کمزور کرتے ہیں ۔ اور ہمیں اب کمزور نہیں ہونا۔ ہمیں ذات پات رنگ و نسل مسلک کے فرق کو مٹانا ہوگا اس فرق کو ختم کرکے ہمیں یکجاں ہوکر رہنا ہے۔
ایک عام پاکستانی کی حیثیت سے کس طرح اپنے ملک کو مضبوط کرنا ہے اور اپنے بچوں کو ایسا بنانا ہے کہ وہ اس ملک کی ترقی و کامیابی میں اپنا حصہ شامل کریں ۔
ڈاکٹر عبدالقدیر خان جیسے بنیں۔
اِس پہلو پر غور کریں۔
اس بارے میں زرا نہیں پورا سوچیے۔
پاکستان پائندہ آباد
Comments
Post a Comment