” موجودہ دور کے تقاضے“

آج دنیا میں پیچھے ہونے کی بہت بڑی وجہ  ہم میں اخلاقی اقدار کی کمی ہے, اپنے علاوہ کسی کو برداشت نہ کرنے کی ضد قوموں کو رسوا کرتی ہیں , دوسروں کے اختلافات کو برداشت نہ کرنا قومیت اور مذہب کی بنیاد بنا کر تفریق رکھنا کیا یہ ایک اچھی قوم کی نشانی ہے ؟ 

ہم میں اگر کوئ آپس کے اختلاف ہٹا کر ایک ہونے کی بات کرتا ہے تو ہم کیوں اسے گالیوں سےنوازتے ہیں۔

دنیا میں اپنا کھویا ھوا مقام واپس حاصل کرنے کے لیۓ مسلمانوں کو نہ جانے کتنا عرصہ درکار ھوگا یہ تو رب العزت ہی جانتا ہے لیکن اس سفر میں کوششیں کیا,کیسے اورکتنی ہیں یہ سوچنا اور کرنا ہمارا کام ہے۔ 

 اس سفر میں کیاحکمتِ عملی اپناتےہیں , ہمارا آپسی اتحاد دشمن کی راہ میں کیسےمستقل رکاوٹ بنتا ہے یہ نقطے اہم ہیں ہماری زرا سی لغزش کا خمیازہ کس نتیجے میں بھگتنا پڑتا ہے تاریخ ایسے ہولناک واقعات سے بھری ہوٸ ہے۔

منگول مسلم تاریخ سے ہم بہ خوبی واقف ہیں۔

سن ١٢٠٠ عیسوی کےآس پاس کے وقت  سلطان جلال الدین خوارزم نے اپنے دربار میں منگول سلطنت کا سفیر  قتل کروایا ۔

 اللہ رسول کے حکم کےخلاف اس اقدام کے نتیجے میں چنگیز خان اور اسکی اولادوں نے مسلمانوں کی70 فیصد   آبادی نہ صرف قتل کی بلکہ١٠٠ , ١٥٠سال یہ قتل عام جاری رہا۔ ایک آدھ فتح کے علاوہ صرف نقصان مسلمانوں کے حصہ میں آیا۔

منگولیا سے لے کر یورپ کے بارڈر تک شام ترکی اردن فلسطین , صرف  جنگیں ہی نہیں ہاریں ستر فیصد مسلمان کھوۓ بلکہ یہ سارے علاقےبھی گنواۓ اور دین اسلام کو بھی شدید نقصان پہنچا۔ چین کے بارڑر سے یورپ اورمصر کے بارڑر تک  قرآن پاک جلاۓ , حافظ قرآن تو وہ ڈھونڈ ڈھونڈ کر قتل کرواتے تھے ,اور ان کاموں کے کرنے والوں کو انعام دیتے تھے کہنے کا مقصد یہ کہ مسلمانوں کو امن کے دور میں انکا سفیر قتل کرنے کا بھیانک خمیازہ ساری امت نے بھگتا۔

وحشی منگولوں نے جو جنگ انتقامن  شروع کی بعد میں وہ  نظریاتی اختلاف میں بدل گٸ ۔ اس وقت کے عالم فاضلوں کو مساجد میں جنگلی, وحشی  منگولوں کےگھوڑوں کو چارہ پانی ڈالتے دیکھا گیا , مساجد میں جہاں قرآن پاک پڑھا جاتا تھا وہاں رقص کی محفلیں لگاٸ گیٸں منگول شراب میں دھت ناچ گانا کرتے رہے یہ شرمناک اور حولناک مناظر دیکھ کر اس وقت کے امام نے تاریخی الفاظ کہے 

”یہ خدا کی آندھی ہے یہاں بولنے کا مقام نہیں“

آپ تاریخ اٹھا کر دیکھ لیں اس وقت کی اسلامی تہزیب پر وحشی جنگلی منگول کس جارحیت سے   قابض ہوےاور محض ایک واقعہ کو بنیاد بنا کر سلطنتِ مسلمہ کی اینٹ سے اینٹ بجادی۔ مقامات , تہزیب,لاکھوں جانوں کا زیاں عورتوں کی عصمت دری , جب کوٸ سوٸ ہوی قوم پر حملہ آور ہوتا ہے اس کے اثرات کس قدر ہولناک اور بھیانک ہوتے ہیں اس کا اندازہ اس تاریخ سے لگایا جا سکتاہے یہ صرف لکھنا آسان ہے جھیلنا بہت مشکل,  اس وقت کے  مسلم حکمران  ہوش کے ناخن لیتے جنگ اور دفاعی سامان اوراپنے گھوڑے تیار رکھتے تو مسلمانوں کو یہ ہولناک مناظر نہ دیکھنے پڑتے۔ مسلمِ علماء ,فضلاء ,حکماءکوٸ بھی اس کوتاہی سے بری الزمہ قرار ہرگز نہیں دیا جاۓگا کیوں کہ انہوں نے مسلمانوں کو فروعی معاملات میں الجھا  کر جہاد جیسے اہم کام کی ترغیب نہیں دی اور آپسی معاملات میں الجھاۓ رکھا ۔ جو قوم آپس میں ہی متحد نہیں ہوگی وہ اپنے دشمن کامقابلہ خاک کرے گی؟

جب سر پر منگول آپڑے تب ہر ممکن مسلمان لڑے لیکن بنا تیاری اور لائحہ عمل کے 

بے انتہا نقصان بھگتا۔  ڈیڑھ سو سال بھگتا۔

”وہ کہتے ہیں نہ کہ لحوں نے خطا کی ، صدیوں نے سزا پاٸ“

دوبارہ اٹھنے میں صدی لگ گٸ۔

لڑ کر دیکھ لیا کیا حاصل ہوا؟ نقصان کے علاوہ کچھ بھی نہیں. 

اب آپ زرا سوچیں کہ ان سے مسلمان  مزید  جنگ کرتے اور اپنا مزید نقصان کرواتے؟  مصر کے مقام تک منگولوں نے رساٸ حاصل کرلی تھی اگلا حدف اس سے مزید آگے ہوتا۔

 جب جنگ تلوار سے نہ لڑی جاسکے تب حکمت عملی بدلنی پڑتی ہے یہ سمجھداری کہلاتی ہے۔ ان بگڑے ہوۓجنگلی وحشی منگولوں کے ساتھ اللہ والوں نے حکمت سے کام لیا ان پر دین اسلام کے سچے پیغام کی تبلیغ کی آگے چل کر یہ ہی ترک پوری دنیا پر اسلام کا پرچم لہراتے  قابض ہوۓ، سات برِاعظم تک رساٸ حاصل کی۔

اتحاد کی مثال کا اس بات سے اندازہ لگاٸیے کہ یہ وحشی جنگلی جنہوں نے سلطنت کی سلطنتیں تہس نہس کردیں  جب انکا اپنا آپسی اتحاد بٹا تو ان کا زوال شروع ہوا اور

 ١٠٠ , ١٥٠ سال بعد انکا کھیل ختم ہوا یہ وحشی درندے  منگول ,صوفیانِ کرام  اولیا ٕ اللہ کے ہاتھوں مسلمان ہوۓ اور ان واقعات پر کتابوں کی کتابیں مصنفین نے لکھی ہیں ۔ 

جو ڈیڑھ سو سال آپکی تباہی اور بربادی کا باعث بنے, ان سے ہی اپنی ترقی کا کام لے کر اپنی طاقت بنایا اب آپ یہ سوچیں کہ آپس میں لڑ جھگڑ کر یہ کام کیا جا سکتا ہے؟ اس مقصد کو پانے کے لیے کتنی جدوجہد درکار ہے۔ کہنے کا مقصد یہ ہےکہ تاریخ کی غلطیاں دوہرانےسے کچھ حاصل نہیں ھوگا خدار١ وقتی تقاضوں کو سمجھیں ,جو حکمتِ عملی تیار کی جارہی ہے اس پر تنقید کرنے سے پہلے اس کے بعد کے نتائج کےبارے میں غور کریں۔ 

وقت ہمیشہ ایک سا نہیں رہتا

وقت پلٹے گا انشاءاللہ مایوسی کے بادل بھی چھٹیں گے اچھاوقت بھی آۓ گا یہ قوم اپنا کھویاہوامقام ضرور واپس حاصل کرے گی

انشاءاللہ اور یہ سب تب آسان ہوگاجب ہم متحد ہونگے

انشاءاللہ