یہ سال بھی آخر بیت گیا۔
جیسے ہوا چلتے چلتے اپنا رُخ بدل لیتی ہے ویسے ہی سال ٢٠٢١ نے بھی مختلف ذاویے بدلے۔
٢٠٢٠ کے اختتام پر یہ دعا کی تھی کہ آنے والا سال گزرے سال سے بہتر ہو۔
ہم نے٢٠٢٠ کے خوف ٢٠٢١ میں مانند پڑتے دیکھے۔
پچھلے سال کے مقابلے میں اس سال کے اختتام تک
کورونا کا زور کم ہوتا دیکھا۔
لیکن ڈینگی بھی اس سال کٸ اموات کی وجہ بنا۔
٢٠٢١ میں کبھی پیٹرول کی بڑھتی قیموں نے دِل دہلایا تو کبھی ڈالر کو آسمان کی جانب اڑان بھرتے پایا۔
کوٸٹہ ہوٹل کی پارکنگ دھماکہ، گھوٹکی ٹرین حادثہ، تحریک لبیک پارٹی کا فرانس کے سفیر کو ملک سے نکالنے کے معاملے میں ملک گیر احتجاجی دھرنے اور پھر اِس تنظیم کو کلعدم قرار دینا دیگر واقعات کے ساتھ یہ تمام بھی اس سال کے اہم واقعات میں شامل رہا۔
یہاں اس سال کے سب سے دردناک سانحے کا ذکر کرتی چلوں کہ مٸی٢٠٢١ کا وہ دن امِت مسلمہ کبھی فراموش نہ کر پاۓ گی کہ جب رمضان المبارک کے مقدس مہینے میں اسراٸیل افواج نے اپنے ناپاک ہاتھوں سے مسجدِ اقصی پر حملہ کیا اور وہاں عبادت کرتے افراد کو عبادت سے روکنے کے لیے دستی بم ، آنسو گیس شیلنگ کا استعمال کیا جسکے نتیجے میں کٸ افراد جان کی بازی ہارے اس واقعے سے تمام دنیا میں موجود مسلمانوں کے جذبات بری طرح مجروح ہوۓ اور مسلمانوں نے اسراٸیل کی جانب سے اس گھناٶنے فعل کی کُھل کر مزمت کی۔
اس حوالے سے
UNSC 2021
اقوامِ متحدہ سلامتی کونسل کا اجلاس قابلِ ذکر ہے۔
جس میں ترکی ، پاکستان اور فلسطین ان تینوں ممالک کے سفیروں نے اس ایشو پر دنیا بھر میں موجود مسلمانوں کے جذبات کا کھل کر اظہار کیا۔
یوں وقت اپنے سفر پر رواں دواں ہے اور آجاتا ہے اگست کا مہینہ۔
افغانستان کے اندر مختلف سپر پاورز کو کٸی سال ناکوں چنے چبوانے کے بعد افغان طالبان کو فتح نصیب ہوٸ۔
یہ سنہرا دن بھی ٢٠٢١ کے حصے میں آیا ساری دنیا نے دیکھا کہ کس طرح سپر پاور امریکہ نے افغانستان کی سرزمین پر افغان طالبان کے ہاتھوں ایسی شکست کھاٸی کہ تاریخ کبھی فراموش نہ کر پاۓ گی ۔
اور پھر ٢٠٢١ اگست کے اختتام تک بالآخر افغانستان میں امریکہ کا سورج غروب ہوا اور امریکہ کو افغانستان چھوڑ کر مایوس و ناکام واپس لوٹنا پڑا اور واپسی کے اس سفر میں پاکستان کا کردار بھی خاص اہمیت کا حامل رہا۔
😒😒😒بہت رسوا ہو کر تیرے کوچے سے ہم نکلے
اگست کے مہینے میں مینارِ پاکستان پر رونما ہونے والا شرمناک واقعہ بھی شامل ہے کہ جس میں ایک ٹک ٹاکر جوڑے نے سستی شہرت حاصل کرنے کے لیے کے لیے مینارِ پاکستان کا استعمال کیا اور اس واقعے میں ان ٹک ٹاکر اسٹارز کے ساتھ ساتھ عوام کا ایک بڑا حصہ ہمیں شرمسار کرنے کے لیے غیر اخلاقی حرکات میں ملوث نظر آیا بعدِ ازاں اس واقعے میں ملوث تمام کردار سزا کے مرتکب ٹہرے۔
٢٠٢١ کا خوشگوار موقع تھا
T20 world cup
پاکستانی کھلاڑیوں کی شاندار پرفارمنس نے جہاں عوام کو بے پناہ مسرت بخشی وہیں بھارت کو شکست دے کر تو جیسے شاھینوں نے پاکستانی عوام کے دل ہی جیت لیے۔اس طرح کرکٹ کے شاٸقین کے لیے ٢٠٢١ کا سال خوش آٸند رہا۔
اس سال کرکٹ کے ساتھ ساتھ دیگر کھیلوں کے مقابلوں جیسے کہ اسنوکر اور اولمپکس میں بھی پاکستانی کھلاڑی توجہ کا مرکز رہے۔
اولمپکس میں کوٸ تمغہ تو نہ جیت پاۓ لیکن اس کے باوجود اپنی اچھی پرفارمنس کے سبب دنیا بھر میں خبروں کی زینت بنے رہے۔
جاتے جاتے سال ٢٠٢١ میں پیش آنے والا افسوس ناک سانحہ جو کہ سیالکوٹ میں پیش آیا۔ جس میں مقامی افراد نے شہر میں موجود ایک فیکٹری کے مینیجر (جن کا تعلق سری لنکا سے تھا) ،کو سفاکی سے قتل کر کے لاش کو وحشیانہ طریقے سے نظرِ آتش کردیا ۔
اس واقعے میں ملوث درجنوں افراد کو گرفتار کیا گیا۔
یہ افسوس ناک واقعہ دنیا بھر میں پاکستان کے لیے شرمندگی کا سبب بنا۔
مہنگاٸ کی بات کی جاۓ تو ٢٠٢١ عوام الناس پہ کافی بھاری گزرا تیل پیٹرول سے لے کراشیإ خردونوش کی قیمتوں کا گراف اوپر کی طرف بڑھتا ہی چلا جا رہا ہے جو کہ اب تک تھمنے کا نام نہیں لے رہا۔
اس ایک سال میں بیس لاکھ سے زیادہ افراد غربت کی فہرست میں داخل ہو چکے ہیں۔
انتظار ہے کہ مہنگاٸ کہ اس جن پر کب قابو پایا جاتا ہے۔
مشہور و نامور شخصیات جو کہ اس سال دنیاِ فانی سے رخصت ہوۓ ان میں حسینہ معین، دردانہ بٹ، حسن اقبال ، انکل سرگم فاروق کیسر ،سنبل شاھد اور دیگر افراد کے ساتھ ساتھ کامڈی کی دنیا میں ہمیشہ لیا جاۓ والا نام کامیڈی کنگ عمر شریف شامل ہیں۔
یوں چلتے چلتے خوشی اور غموں کے ملتے جلتے سانحات و واقعات کے ساتھ یہ سال ٢٠٢١ اپنے اختتام کو پہنچا اور بس کچھ ہی گھڑیوں بعد اس سال کا آخری سورج ڈھل جاٸے گا۔
MashaAllah bohat khoobsurat andaz se poray sal ka ehwal suna dala ..zabardast
ReplyDeleteجزاك اللهُ
Delete