*الوداع سال 2020- یادیں، سبق اور امیدیں*



الوداع سال 2022! ایک اور سال ہماری زندگی سے رخصت ہو گیا، بہت سی یادیں، بہت سے سبق اور بہت سے تجربات چھوڑ کر۔

سال پہ سال گزر رہے ہیں اور زندگی جیسے اپنی ڈگر پر بھاگ رہی ہے۔ صدیوں سے یہ سلسلہ جاری و ساری ہے، ایک کے بعد ایک سال آتا اور جاتا ہے، پر نہ جانے کیوں ہر گزرتا سال اداس سا کر جاتا ہے۔ 

*2022 کا آغاز - کورونا سے نجات*

یہ کرونا کے بعد پہلا مکمل سال تھا  کا زور ٹوٹتا دکھائی دیا اور دنیا نے دوبارہ سکون کا سانس لینا شروع کیا  اور پھر الحمدللہ پاکستان  نے اس بیماری سے مکمل نجات حاصل کر لی۔ کاروبار  ,اسکولز, تمام  تعلیمی ادارے اور زندگی دوبارہ معمول پر آ گئے۔

2022 نے ہمیں کیا سکھایا؟

1.  وقت کی قدر:

2022 نے ہمیں سکھایا کہ وقت کسی کا انتظار نہیں کرتا۔ جو کل کرنا ہے وہ آج کر لو۔ کتنے ہی لوگ تھے جو 2022 میں ہمارے ساتھ تھے اور آج نہیں ہیں۔
2. صحت سب سے بڑی نعمت ہے:کرونا نے ہمیں صحت کی اہمیت بتائی، اور 2022 نے اس بات کو پکا کر دیا۔ جس کے پاس صحت ہے اس کے پاس سب کچھ ہے۔

3.  رشتوں کی اہمیت:اس سال نے بتایا کہ سوشل میڈیا کے لاکھوں فالوورز ایک طرف اور خاندان کے چند مخلص لوگ ایک طرف۔ مشکل وقت میں صرف اپنے ہی کام آتے ہیں۔

میرے لیے 2022 ایک بکھری ہوئی کتاب کی طرح تھا۔ کچھ صفحے خوشی کے تھے، کچھ غم کے۔ کبھی کامیابی ملی تو کبھی ناکامی نے سبق سکھایا۔ لیکن ہر لمحہ قیمتی تھا۔

ہم نے اس سال کیا کھویا اور کیا پایا؟ کورونا کے سبب ہم نے کچھ اپنے کھوئے، لیکن کچھ نئے اور مخلص دوست بنائے بھی۔ شاید ہم اپنے کسی مقصد میں ناکام ہوئے، لیکن ناکامی نے ہی ہمیں کامیابی کا راستہ دکھایا۔


سانحہ مری - 8 جنوری کا دلخراش دن

2022 کے شروع ہوتے ہی 8 جنوری کو سانحہ مری نے عوام کو دکھ و غم میں مبتلا کر دیا تھا۔ جس حادثے کے نتیجے میں متعدد فیملیز برف باری کے طوفان میں پھنس کر بند گاڑیوں میں موت کی وادی میں چلی گئیں۔ ملک کے مختلف علاقوں میں لینڈ سلائیڈنگ کے حادثات بھی پیش آئے۔

2022 میں دہشت گردی کی لہر

تمام سال مختلف شہروں میں کئی خود کش دھماکے ریکارڈ کیے گئے جیسے کہ:
کوئٹہ پولیس موبائل اٹیک، سبی اٹیک، پشاور مسجد حملہ، جامعہ کراچی خودکش دھماکہ، کراچی صدر مارکیٹ بم دھماکہ، سوات، لکی مروت، کوئٹہ، میران شاہ، بنوں سی ٹی ڈی اور اسلام آباد I-10 ایریا اٹیک۔ اللہ تمام شہداء کی مغفرت فرمائے۔

سندھ میں Lumpy Skin Disease

صوبہ سندھ میں جانوروں میں پھیلتی بیماری 

Lumpy Skin Disease 

کا معاملہ بھی اس سال خبروں میں گردش کرتا رہا۔ جس وجہ سے کئی جانوروں کی اموات کے سبب کیٹل فارمز کو شدید نقصان اٹھانا پڑا۔ بعد ازاں متاثرہ جانوروں کو دیگر جانوروں سے الگ کیا گیا اور ویکسینیشن کے ذریعے اس بیماری پر قابو پایا گیا۔ 

2022 flood


تاریخی سیلاب 2022 - ناقابل فراموش تباہی

اس سال کلائمیٹ چینج کے باعث ہونے والی طوفانی بارشوں کے سبب سیلاب کی تباہ کاریاں بھی ناقابل فراموش ہیں۔ پاکستان کا ستر فیصد حصہ اس سیلاب کی نظر ہوا۔ ایک رپورٹ کے مطابق اس سال کی بارشوں نے پچھلے تیس سالہ ریکارڈ توڑ دیا۔

ناقابل بیان تباہ کاریاں اور بیماریاں اس سیلاب کے نتیجے میں وجود میں آئیں۔ لوگوں کی فصلیں، املاک، مال مویشی تو کیا پورے کے پورے گھر اس سیلاب میں ڈوب گئے۔ گاؤں کے گاؤں صفہ ہستی سے مٹ گئے۔ تباہی کے وہ حالات صدیوں بھلائے نہ جا سکیں گے۔ اس سال سیلاب نے صرف چھوٹے شہر  ہی نہیں بلکہ بڑے شہروں کو بھی اپنی شدید لپیٹ میں لیا۔

فیفا ورلڈ کپ قطر 2022

فیفا فٹ بال ورلڈ کپ قطر کے حوالے سے یہ سال یادگار رہے گا۔ جس طرح قطر نے اسلامی اقدار کا تحفظ کرتے ہوئے یہ ایونٹ آرگنائز کیا یہ قابل ستائش اور قابل ذکر ایونٹ ہے۔جو کہ بعد میں کامیاب ترین ایونٹ کی صورت اختتام پزیر ہوا۔


سیاسی و معاشی بحران

ملکی سیاسی حالات کے حوالے سے بھی یہ سال خاص اہمیت کا حامل ہے۔

معاشی لحاظ سے یہ سال شدید مشکلات میں گھرا رہا۔ بڑھتی مہنگائی، روپے کی قدر و قیمت میں شدید کمی، ڈالر اور تیل کی قیمتوں میں ہوشربا اضافہ۔ ان حالات سے ستائی عوام پریشان، حکمران انجان۔ ان حالات میں بہتری کی امید مشکل نظر آتی ہےلیکن ناممکن نہیں۔ اسی لیے یہ دعا ہے کہ آنے والے سال ملک پاکستان کے معاشی حالات بہتر ہوں۔ 

آمین

2023 کے لیے امیدیں

2022 کو الوداع کہتے ہوئے ہمیں مایوس نہیں ہونا چاہیے۔ آنے والا سال ایک نئی صبح کی طرح ہے۔ آئیے عہد کریں کہ:

- ہم اپنے والدین کو زیادہ وقت دیں گے۔


- ہم اپنی صحت کا خیال رکھیں گے۔


- ہم فضول بحثوں سے دور رہیں گے۔


- ہم اللہ سے اپنا تعلق مضبوط کریں گے۔

سال بدلتے رہتے ہیں، لیکن جو لوگ وقت سے سبق سیکھتے ہیں وہی کامیاب ہوتے ہیں۔

آخر میں بس یہی کہنا ہے:

الوداع 2022! تم نے جو سکھایا اس کے لیے شکریہ۔ تمہاری یادیں ہمیشہ دل میں رہیں گی۔



Comments

Post a Comment

Popular posts from this blog

ظالم کا انجام - فرعون سے ہٹلر تک عبرت کی کہانیاں

Image
فرعون کا دریائے نیل میں غرق ہونے کا کوئی ارادہ تو نہیں تھا۔ مگر اُسے ڈوبنا پڑا۔ اُس نے اپنے غلاموں سے اپنے ارد گرد قلعے کی دیواریں اونچی اور نہایت مضبوط بنوائیں تاکہ اُسے کوئی نقصان نہ پہنچ سکے۔ محل کے اندر ہزاروں سپاہی اس کی حفاظت پر مامور تھے۔ وہ سمجھتا تھا کہ یہ دیواریں، یہ فوج، یہ خزانے اسے ہمیشہ محفوظ رکھیں گے۔ لیکن غرق ہونے کے لیے وہ خود چل کر دریا تک گیا تھا۔ قدرت کا فیصلہ تھا کہ جس پانی کو وہ اپنی سلطنت کی طاقت سمجھتا تھا وہی پانی اس کی قبر بنے گا۔ وہ خُدائی کا دعویدار بھی رہا لیکن سچے خُدا نے رہتی دنیا تک کے لیے اسے عبرت کا نشان بنا دیا۔ آج اس کی لاش میوزیم میں پڑی ہے اور ہر دیکھنے والا اس سے سبق حاصل کرتا ہے۔ شداد اگلے کروڑوں سال اپنی جنت میں مزے اُڑانا چاہتا تھا۔ اس نے دنیا کی ساری دولت، ہیرے جواہرات لگا کر ایک مصنوعی جنت بنوائی۔ اس کا خیال تھا کہ وہ موت کو دھوکہ دے دے گا اور اپنی بنائی ہوئی جنت میں ہمیشہ رہے گا۔ مگر اُس کے دروازے پر پہنچتے ہی مر گیا۔ ایک قدم بھی اندر نہ رکھ سکا۔ اس کی ساری محنت، ساری دولت، ساری خواہش دروازے پر ہی دم توڑ گئی۔ نمرود کی پلاننگ بھی کافی لمبی تھ...
Read more

May2025 کی صورتِ حال پر ایک نظر۔ امید کی کرن

Image
اب دنیا میں پاکستان ایک الگ  حیثیت  سے ابھرے گا" ۔" !ان شاء الل بہادری و شجاعت کسی بھی بہادر اور نڈر قوم کی پہچان اور ضمانت ہوتی ہے۔ قومیں ہتھیاروں سے نہیں بلکہ اتحاد، حوصلے اور قربانی کے جذبے سے پہچانی جاتی ہیں۔ مئی 2025 میں ہمارے خطے میں پاکستان اور بھارت کے درمیان کشیدگی میں اضافہ دیکھا گیا۔ اس دوران دونوں ممالک کے درمیان پیدا ہونے والی صورتحال پر دنیا بھر کی نظریں مرکوز رہیں۔ یہ وقت پورے خطے کے لیے انتہائی نازک اور آزمائش بھرا تھا۔ ہر محب وطن پاکستانی کا دل اپنے ملک کی سلامتی کے لیے دعا گو تھا۔ پاکستان اس سے پہلے بھی کئی بڑے چیلنجز کا سامنا کرتا رہا ہے، چاہے وہ معاشی مشکلات ہوں، قدرتی آفات ہوں یا امن و امان کے حوالے سے مسائل ہوں۔ لیکن ہماری تاریخ کا سب سے روشن باب یہ ہے کہ جب بھی مشکل وقت آیا، پاکستانی قوم نے تمام اختلافات بھلا کر ایک قوم بن کر دکھایا۔ اور مشکل وقت میں قوم کا ایک ہونا ہی سب سے بڑی طاقت ہوتا ہے۔ اس حالیہ کشیدگی کے دوران بھی پاکستانی قوم میں جس اتحاد اور یکجہتی کا مظاہرہ دیکھا گیا، وہ ایک خوش آئند اور قابلِ فخر بات ہے۔ لوگوں نے آپس کے سیاسی، لسانی اور چ...
Read more

عورتوں کے معاملے میں اللہ سے ڈرو - خطبہ حجۃ الوداع کا بھولا ہوا پیغام

Image
عورتوں کے معاملے میں اللہ سے ڈرو میں بیزار ہوں ہر اُس سوچ سے، ہر اس تہذیب سے، ہر اس روایت، رسم و رواج سے جو کسی ایک کو دوسرے پر اتنا اختیار دے کہ وہ سامنے والے کی زندگی اور موت کا فیصلہ اپنے ہاتھ میں لے لے۔ مجھے شکوہ ہے ہر اُس مرد سے جو عورت کو بس سزا دینا اپنا اختیار اور حق سمجھتا ہے، بلکہ اُس کا فرض تو عورت کی حفاظت کرنا ہے۔ یہ سوچ کہ عورت نے مرد کے مزاج کے خلاف کچھ کیا ہے یا اس سے کوئی غلطی سرزد ہوئی ہے تو اسے کسی بھی قسم کی سزا دی جائے، یہ سراسر غلط ہے۔ ایسی کوئی اجازت کسی کو کسی نے نہیں دی نہ دین نے نہ شریعت نے نہ ریاست نے۔ انسان کی جان پر صرف و صرف اگر حق ہے تو اللہ باری تعالیٰ کا ہے اول تا آخر۔ اسلام نے جو رشتے بنائے وہ ایک دوسرے سے حقوق کی بنیاد پر جُڑتے ہیں نہ کہ دھونس اور جبر کی بنیاد پر۔ یہ سوچ کہ "میں تمھارا مالک ہوں لہذا میں تمھاری زندگی کا فیصلہ لے سکتا ہوں" اسلام کے خلاف ہے۔ * نہیں، ظلم کے لیے کوئی بھی وجہ قابلِ قبول نہیں۔ * اسلام صرف ہمیں رشتوں کا احترام سکھاتا ہے اور ان کے حقوق ادا کرنے کا حکم دیتا ہے نہ کہ اُن کی جان اپنے ہاتھ میں لینے کا۔ جو ابھی دنی...
Read more