شادی میں تاخیر کی اصل وجوہات اور اسلامی تعلیمات کی روشنی میں حل
آج شادی میں مشکلات فرسودہ رسومات اور ہمارے بنائے ہوئے اصول
آج شادی میں مشکلات فرسودہ رسومات اور ہمارے بنائے ہوئے اصول
آج کے معاشرے میں مانو شادی کرنے سے زیادہ مشکل اور کوٸی کام نہیں۔
رشتہ سے لے کر شادی تک کے سفر کو مشکل بنا رکھا ہے۔
فرسودہ رسومات کو فرض کا درجہ دیا ہوا ہے۔
انسان نے ان رسومات میں خود کو الجھایا ہوا ہے۔
ہم نے اپنے معاشرے میں عجب نرالے اصول بنا لیے ہیں ۔
اپنی مرضی کے اصول ضوابط طے کر کے خود کو ان کے شکنجے میں پھنسایا ہوا ہے۔
جوکہ وقت کے ساتھ ساتھ جڑ پکڑتے جارہے ہیں۔
جن کا فاٸدہ تو نہ ہونے کے برابر ہےہاں مگر نقصان خوب ہے۔
پہلے تو جناب لڑکے والے مشہور تھے
کہ جہیز لیتے ہیں, ڈیمانڈذ کرتے ہیں۔
آج دیکھا جاۓ تو لڑکی والے بھی اُس ہی ڈگر پر چل رہے ہیں۔
فرماٸشوں کی لسٹ ہےایک
طویل ترین۔۔۔
پوش ایریا میں رہاٸش
سیلری digit 6
اپنی کار
چھوٹی فیملی ۔۔۔
MBA CA MBBS
رشتوں کے معیار اتنے بلند کہ مانو پہنچ سے ہی باہر ۔۔
ایک وقت تھا کہ بیٹی کے لیے آنے والے رشتوں کو واقعی دِل سے عزت دی جاتی تھی لیکن جناب اب نٸے دور کے نٸے اور پیچیدہ تقاضے ہیں ۔
وقت بدل گیا ہے۔
وقت کے تقاضےبھی نرالے بنالیے گۓ ہیں۔
آپشنز بے بہا کے ہیں ۔
ایک جگہ نہیں سمجھ آرہا تو دوسرا دیکھ لیا پھرتیسرا پھر چوتھا پانچواں۔۔۔
دیکھا جاٸے تو آج ہمارے ہاں شادی کےحوالے سے مشکلات کے انبار کھڑے کیے ہوٸے ہیں ۔ ان گنت مساٸل ہیں جن سے گزر کر شادی تک پہنچ ہوتی ہے۔
اگر عورت اور مرد بالغ ہیں تو پھر دونوں کی عمر میں کتنا بھی فرق کیوں نہ ہو بنا کسی زور زبردستی کے ان کی شادی ناجاٸز تو ہرگز نہیں۔
لیکن آج کل کی نٸ منطق سنیں۔۔
کہ جناب پانچ سال کا فرق بھی نامناسب لگتا ہے۔
عورت تو اپنی سے چھوٹی عمر کے شخص سے شادی کا سوچ بھی نہیں سکتی۔
معاشرہ جینا مشکل کردے گا۔
کوٸی چالس سال کی عورت٣٠سال کے مرد سے شادی کرلے تو آس پاس چےمگوٸیاں شروع ہوجاٸیں گی اور اس بےجوڑ (بقول معاشرے کے)شادی کی وجہ تلاشنے نکل پڑیں گے۔
غریب لڑکا امیر بندی سے شای کرلے
تو مسئلہ۔
ہمارے مذہب نے یہ اصول ہرگز
نہیں بناۓ
باکل یہ معاشرے کی ڈالی بیڑیاں ہیں جن میں سارے جکڑے ہیں۔
اور معاشرے کے یہ تمام اصول ہم انسانوں کے ہی بناۓ ہوۓ ہیں۔
رسول اللہ صلی اللہ علیہ وسلم نے تو جہالت کی ان فرسودہ رسومات کو اپنے پاٶں تلے روند دیا تھا تو پھر ہم کیوں ان کو اپنے گلے کا ہار۔۔ نہیں ہار نہیں, بلکہ طوق بنا کر بیٹھےہیں؟
کیوں مشکلات میں پڑ کر اپنی زندگی
کو مشکل بنایا ہوا ہے؟
کیوں کوٸی لچک پیدا کرنے کو تیار نہیں ہے۔
اسلام نے نکاح کو سب سے آسان عمل بنایا ہے۔ حضرت محمد ﷺ نے فرمایا کہ سب سے بابرکت نکاح وہ ہے جس میں خرچہ سب سے کم ہو۔ ہمیں چاہیے کہ ہم دکھاوے اور غیر ضروری رسومات جیسے مہنگے جہیز، بڑی باراتوں اور فضول رسموں سے پرہیز کریں۔ اگر ہم لڑکے اور لڑکی میں دین داری، اخلاق اور خاندانی شرافت کو ترجیح دیں تو ہمارے معاشرے سے شادی میں تاخیر جیسے مسائل خود بخود ختم ہو جائیں گے۔ والدین کو چاہیے کہ وہ اپنی اولاد کی پسند اور ناپسند کا خیال رکھیں اور ان پر اپنی مرضی مسلط نہ کریں۔ سادگی میں ہی برکت ہے اور یہی ہمارے دین کی تعلیم بھی ہے۔
طلاق کو ہمارے مذہب نے جاٸز کاموں میں سب سے ناپسندیدہ عمل کہا ہے لیکن ناجائز نہیں بنایا اگرچہ مجبوری ہے اور گزارا ممکن نہیں تو یہ راستہ اختیار کیا جاسکتا ہے۔
لیکن اس کا یہ ہرگز مطلب نہیں کہ طلاق یافتہ کو حقیر سمجھا جائے۔
یہ رویہ بھی اس معاشرے کی ہی پیداوار ہے۔
اگر دو لوگوں کا ساتھ گزارا ناممکن ہے تو وہ احسن طریقے سے علیحدگی اختیار کرسکتے ہیں۔ اس میں کوئی قباحت نہیں۔
لیکن مسٸلہ یہیں ختم نہیں ہوتا پچھلے ایشو کے بعد جنم لیتا ہے ایک اور نیا ایشو۔
rishton-mein-farq-aur-compromise
شادی میں اصل چیز رنگ یا ذات نہیں، بلکہ دو مختلف انسانوں کا ایک دوسرے کو سمجھنا اور نبھانا ہے۔
یہ بھی ہمارے معاشرے کی ایک تلخ حقیقت ہے کہ آج ہم نے رشتوں میں بہت سی ایسی شرطیں لگا دی ہیں جن کا ہمارے دین سے کوئی تعلق نہیں۔
طلاق یافتہ کے لیے دوہرا معیار
ہمارے معاشرے میں کنوارے افراد اکثر طلاق یافتہ کو قبول کرنے سے گریز کرتے ہیں۔ اور اگر بچے ہوں تو مزید مشکلات آتی ہیں۔
ایک بچوں والا مرد چاہتا ہے کہ اسے بغیر بچوں والی بیوی ملے تاکہ وہ اس کے بچوں کو سنبھالے، لیکن جب اس خاتون کے بچوں کی بات آتی ہے تو وہی مرد پیچھے ہٹ جاتا ہے۔ یہی معاملہ خواتین کے ساتھ بھی ہے۔
یہ سوچ کہ "میری مجبوری مجبوری ہے اور دوسرے کی مجبوری اس کا عیب ہے" سراسر منافقت ہے۔ اس ساری بحث میں ہم مذہب کو بھول جاتے ہیں۔
ظاہری خوبصورتی اور ذات پات کا معیار
ہمارے ہاں ایک اور بڑا مسئلہ گوری رنگت اور ظاہری خوبصورتی کو سب کچھ سمجھنا ہے۔
لڑکی گوری چاہیے، لمبی چاہیے، پتلی چاہیے، جیسے ہم صرف ظاہر کو دیکھ کر فیصلہ کر رہے ہوں۔ ہم یہ نہیں سوچتے کہ اس شخصیت کے پیچھے ایک کردار بھی ہے، اخلاق ہے، قابلیت ہے۔
ہم صرف رنگ یا بنگلہ، گاڑی، چھ ہندسوں کی تنخواہ دیکھ کر فیصلہ کر لیتے ہیں۔ اس سب میں اللہ پر توکل کہاں گیا؟
جس کا اپنا گھر نہیں یا جس کی تنخواہ تیس پینتیس ہزار ہے، اسے رشتہ دینے سے انکار کر دیا جاتا ہے۔ جس کے پاس ڈگری نہیں، اس کی شرافت اور ہنر کی کوئی حیثیت نہیں سمجھی جاتی۔
اسلام کا پیغام کیا ہے؟
ہمارے مذہب نے یہ قیود ہرگز نہیں لگائیں۔ آج سے چودہ سو سال پہلے ہی اسلام نے ذات پات، رنگ اور نسل کے فرق کو ختم کر دیا تھا۔
ہم سب سے افضل نبی حضرت محمد صلی اللہ علیہ وسلم کو مانتے ہیں۔ آپ کا تعلق بنو ہاشم سے تھا جو سب سے افضل قبیلہ تھا، لیکن آپ صلی اللہ علیہ وسلم نے دوسرے قبائل میں بھی رشتے کیے اور اپنی بیٹیوں کے رشتے قبیلے سے باہر بھی کیے۔
جو ہستی سب سے افضل اور اعلی حسب نسب کی مالک تھی، جب انھوں نے اِس فرق کو ختم کر دیا تو ہم کیوں آج بھی اپنی ذات اور زبان پر فخر کر کے دوسروں کو کمتر سمجھتے ہیں؟
صرف حسب نسب انسان کو افضل نہیں بناتا، بلکہ انسان کا اپنا کردار اور اخلاق اسے افضل بناتا ہے۔
اگر ہم نے آج ان بے بنیاد بیڑیوں سے خود کو آزاد نہ کیا تو اپنی اولاد کے مستقبل کو مشکل میں ڈالنے والے ہم خود ہوں گے۔
اس معاملے پر سنجیدگیی سے ذرا نہیں
پورا سوچیے۔
Comments
Post a Comment