بول کہ لب آزاد ہیں

  عورت کا پردہ یا مرد کی تربیت اصل مسئلہ کیا ہے؟ کہا جاتا ہے  کہ عورت گھر میں رہے گی تو فتنے نہیں پھیلیں گے اور یہ کہہ کر معاشرے کے ہر بگاڑ کو عورت سے جوڑ دیا جاتا ہے۔  اس کے لباس سے اس کے انداز سے۔ اس کی چال سے۔ لیکن  ہمارے معاشرے کے  مسائل کی اصل وجہ کیا  عورت ہی ہے؟ یا اصل وجہ سے جی چرانے کے لیے اوپر بیان وجو ہات ہم نے خود سے گڑھ لی ہیں؟ آئے دن ہراسانی کے واقعات ہماری نظروں سےگزرتے ہیں یہ کون کرتا ہے؟ کیا سڑک پر  چلتے مردوں کو عورتیں تنگ کرتی ہیں؟ آتے جاتے اشارے کرتی ہیں ؟ عزت پر حملہ کون کرتا ہے مرد یاں عورت ؟ تیزاب گردی کون کرتا ہے؟ کیا آپ نے اپنی زندگی میں کبھی سنا ہے کہ کسی عورت نے کسی مرد پر تیزاب پھینکا ہو؟ یا راہ چلتے آواز کَسی ہو یا چھیڑا  ہو؟ اسکول کالج یونیورسٹوں میں بچیوں کو بلیک میل کرنا ۔ ان سے ناجائز مطالبات کرنا پھر انکار کیے جانے کی صورت امتحان میں فیل کردینے کی دھمکی دینا۔  اس طرح کے شرمناک معاملات کرتے آپ کو کون ملے گا؟ مرد یا عورتیں؟ پھر معاشرے میں موجود بُرائیوں کو  ایک جنس سے جوڑنا کہاں کا انصاف ہوا؟ نبی پاک ﷺ...

  New Year کیا بیان کریں  یہ سال کیسا گزرا ۔ ملک کے حالات کو سامنے رکھتے ہوئے سوال یہ نہیں  بنتا یہ سال کیسا گزرا بلکہ سوال تو یہ بنتا ہے کہ جناب یہ کیسے گزرا؟ اسٹیٹ بینک کی ایک رپورٹ کے مطابق سال 2025 میں  پاکستان کی پینتالیس فیصد کے قریب  آبادی  غربت کا شکار ہے۔ ہر سال کی طرح غریب کے لیے یہ سال بھی  مشکلات میں گِھرا رہا۔ حکومت کی نظر سے دیکھیں تو  یہ سال لکھنے کی حد تک ترقی کے سفر پر دوڑتا دکھائی دیا  اور حقیقت کی بات کریں تو غربت بھوک افلاس اخراجات مہنگائی  روز مرہ کے استعمال کی معمولی چیزوں کے بڑھتے ریٹس سے عوام انتہائی پریشان اور  تنگ رہی۔ ایمیگریشن اداروں   کی آفیشل رپورٹس کے مطابق اس سال  پاکستان چھوڑ کر بیرونِ ملک منتقل ہونے والے افراد کی تعداد لاکھوں میں رہی۔ معاشی  مسائل  , ملک کے اندر امن کی  بگڑتی صورتِ حال اور دیگر ان گنت وجوہات  اور بیرونِ ملک یہاں کی بنسبت بہتر روزگار کے مواقع کی تلاش میں گلف ,یورپ اور دیگر ممالک  کی جانب روانہ ہوئے۔  ان افراد میں ڈاکٹر, انجینئر ,اور ملک ...

فرعون نے خُدائی کے دعوے کرتے وقت کبھی نہ سوچا ہوگا کہ وہ دریائے نیل میں غرق ہوکر مرے گا۔ مگر اُسے ڈوبنا پڑا۔ اُس نے اپنے غلاموں سے اپنے ارد گرد قلعے کی دیواریں اونچی اور نہایت مضبوط بنوائیں تاکہ اُسے کوئی نقصان نہ پہنچ سکے۔ محل کے اندر ہزاروں سپاہی اس کی حفاظت پر مامور تھے۔ وہ سمجھتا تھا کہ یہ دیواریں، یہ فوج، یہ خزانے اسے ہمیشہ محفوظ رکھیں گے۔ لیکن غرق ہونے کے لیے وہ خود چل کر دریا تک گیا تھا۔ قدرت کا فیصلہ تھا کہ جس پانی کو وہ اپنی سلطنت کی طاقت سمجھتا تھا وہی پانی اس کی قبر بنے گا۔ وہ خُدائی کا دعویدار بھی رہا لیکن سچے خُدا نے رہتی دنیا تک کے لیے اسے عبرت کا نشان بنا دیا۔ آج اس کی لاش میوزیم میں پڑی ہے اور ہر دیکھنے والا اس سے سبق حاصل کرتا ہے۔ شداد اگلے کروڑوں سال اپنی جنت میں مزے اُڑانا چاہتا تھا۔ اس نے دنیا کی ساری دولت، ہیرے جواہرات لگا کر ایک مصنوعی جنت بنوائی۔ اس کا خیال تھا کہ وہ موت کو دھوکہ دے دے گا اور اپنی بنائی ہوئی جنت میں ہمیشہ رہے گا۔ مگر اُس کے دروازے پر پہنچتے ہی مر گیا۔ ایک قدم بھی اندر نہ رکھ سکا۔ اس کی ساری محنت، ساری دولت، ساری خواہش دروازے پر ہی دم توڑ گئی۔ نمر...

سقراط کو زہر کا پیالہ پیتا دیکھ کر ایتھنز کے حکمرانوں کو سُکھ کا سانس آیا کہ اُن کی نوجوان نسل کو گمراہ کرنے والے فتنے کا اختتام ہوا۔ اُس وقت کے اعتبار سے دیکھا جائے تو یونانی اشرافیہ جیت گئ سقراط کی دانش وری  ہار گئ۔ وقت گزر گیا۔ اسکاٹ لینڈ کی جنگ، آزادی لڑنے والے  ولیم والس کو  انگلینڈ کے  بادشاہ ایڈورڈ اوّل نے گرفتار کیا تو اُس پر غداری کا مقدمہ چلایا گیا۔ اُسے بنا تن ڈھکے  گھوڑں کے سموں کے ساتھ باندھا گیا , لندن کی گلیوں میں گھسیٹا گیا اور پھر شدید تشدد کا نشانہ بنانے کے بعد  پھانسی دی گئ اور اس کے بعد  لاش کے ٹکڑے ٹکڑے کر دیئے گئے۔ اُس وقت کا بادشاہ جیت گیا ولیم ہار گیا وقت گزر گیا۔ گلیلیو نے ثابت کیا کہ زمین اور دیگر سیارے سورج کے گِرد گھومتے ہیں تو یہ کیتھولک عقائد کی خلاف ورزی تھی۔  چرچ  نے گلیلیو کو  غیر معینہ قید کی سزا سنائی۔ یہ سزا ١٦٣٣ میں سنائی گئ ۔گلیلیو کو گھر میں قید رکھا اور وہیں ١٦٤٢ میں اُس کی وفات ہوئی۔ اُس وقت کے پادری جیت گئے سائنس ہار گئ وقت گزر گیا۔ روم کے جیو ردانو برونو پر بھی چرچ کے عقائد سے انحراف کرنے کا مقد...

عورتوں کے معاملے میں اللہ سے ڈرو میں بیزار ہوں ہر اُس سوچ سے، ہر اس تہذیب سے، ہر اس روایت، رسم و رواج سے جو کسی ایک کو دوسرے پر اتنا اختیار دے کہ وہ سامنے والے کی زندگی اور موت کا فیصلہ اپنے ہاتھ میں لینا چاہے۔ مجھے شکوہ ہے ہر اُس مرد سے جو عورت کو بس سزا دینا اپنا اختیار اور حق سمجھتا ہے، بلکہ اُس کا فرض تو عورت کی حفاظت کرنا ہے۔ یہ سوچ کہ عورت نے مرد کے مزاج کے خلاف کچھ کیا ہے یا اس سے کوئی غلطی سرزد ہوئی ہے تو اسے کسی بھی قسم کی سزا دی جائے، یہ سراسر غلط ہے۔ ایسی کوئی اجازت کسی کو کسی نے نہیں دی نہ دین نے نہ شریعت نے نہ ریاست نے۔ انسان کی جان پر صرف و صرف اگر حق ہے تو اللہ باری تعالیٰ کا ہے اول تا آخر۔ اسلام نے جو رشتے بنائے وہ ایک دوسرے سے حقوق کی بنیاد پر جُڑتے ہیں نہ کہ دھونس اور جبر کی بنیاد پر۔ یہ سوچ کہ "میں تمھارا مالک ہوں لہذا میں تمھاری زندگی کا فیصلہ لے سکتا ہوں" اسلام کے خلاف ہے۔ * نہیں، ظلم کے لیے کوئی بھی وجہ قابلِ قبول نہیں۔ * اسلام صرف ہمیں رشتوں کا احترام سکھاتا ہے اور ان کے حقوق ادا کرنے کا حکم دیتا ہے نہ کہ اُن کی جان اپنے ہاتھ میں لینے کا۔ جو ابھی...

ذرا سنبھل کے دنیا کی ابتداء سے لے کر اب تک کے سب سے عجیب وقت میں خوش آمدید۔ خوش آمدید اس اکیسویں صدی میں کہ جس کا ذکر ہمیشہ ڈرانے والے انداز میں ہی کیا جاتا تھا۔ اب عزت دار، با عقیدہ اور اصول پسند افراد آپ کو چھپے ہوئے ملیں گے، جو زیادہ تر گھروں میں رہنے کو ترجیح دیتے ہیں، لوگوں کے شر سے خود کو بچاتے ہوئے۔ یوں سمجھ لیں کہ جیسے وہ دہکتا انگارہ ہتھیلی پر رکھے بیٹھے ہوں۔ جبکہ اس کے برعکس اصولوں سے دور لوگ معاشرے میں مقبول دکھائی دیتے ہیں۔ پچپن ساٹھ سال کا آدمی جوانی کے نشے میں مست ملے گا جبکہ پچیس سال کا نوجوان آپ کو زندگی سے تنگ، دنیا سے بیزار ملے گا۔ وہ جن کے کھیلنے کودنے کے دن بھی ختم نہیں ہوئے، وہ ڈپریشن اور اسٹریس پر بات کرتے نظر آئیں گے۔  مذاق اُڑانا /بھونڈے مذاق  کو  پرینک کا نام دے کر تفریح کا سامان بنادیا گیا ہے۔  اگر بہ مشکل کوئی سادہ لوہ  فطرت مل جائے تو اُس پر چالاکیاں آزمائی جاتی ہے۔  اصول پسند، حق بات کرنے والے افراد کو دقیانوسی سمجھا جا رہا ہے، جبکہ بے راہ روی کو آزادی کا نام دیا جا رہا ہے۔ غلط تعلقات معاشرے میں عام ہو چکے ہیں، جبکہ نکاح جیسے پا...

اب دنیا میں پاکستان ایک الگ  حیثیت  سے ابھرے گا" ۔" !ان شاء الل بہادری و شجاعت کسی بھی بہادر اور نڈر قوم کی پہچان اور ضمانت ہوتی ہے۔ قومیں ہتھیاروں سے نہیں بلکہ اتحاد، حوصلے اور قربانی کے جذبے سے پہچانی جاتی ہیں۔ مئی 2025 میں ہمارے خطے میں پاکستان اور بھارت کے درمیان کشیدگی میں اضافہ دیکھا گیا۔ اس دوران دونوں ممالک کے درمیان پیدا ہونے والی صورتحال پر دنیا بھر کی نظریں مرکوز رہیں۔ یہ وقت پورے خطے کے لیے انتہائی نازک اور آزمائش بھرا تھا۔ ہر محب وطن پاکستانی کا دل اپنے ملک کی سلامتی کے لیے دعا گو تھا۔ پاکستان اس سے پہلے بھی کئی بڑے چیلنجز کا سامنا کرتا رہا ہے، چاہے وہ معاشی مشکلات ہوں، قدرتی آفات ہوں یا امن و امان کے حوالے سے مسائل ہوں۔ لیکن ہماری تاریخ کا سب سے روشن باب یہ ہے کہ جب بھی مشکل وقت آیا، پاکستانی قوم نے تمام اختلافات بھلا کر ایک قوم بن کر دکھایا۔ اور مشکل وقت میں قوم کا ایک ہونا ہی سب سے بڑی طاقت ہوتا ہے۔ اس حالیہ کشیدگی کے دوران بھی پاکستانی قوم میں جس اتحاد اور یکجہتی کا مظاہرہ دیکھا گیا، وہ ایک خوش آئند اور قابلِ فخر بات ہے۔ لوگوں نے آپس کے سیاسی، لسانی اور چ...